TAYKANAKATAK CHAPAR ARUNAKA (Poema para las madres)

MUNAT MAMITAJA

(Jta.  Jorge Luis Coaquira Condori)

Munat mamitaja,
Munasiñamakiw jichhürkamas jakayaskitu,
munasiñamax taqi kunat sipans chiqawa,
munasiñamax jalkir umjam ch’uwawa,
munasiñamax jan tukuskir wiñayatakiwa.

Munat mamitaja,
nayar munasax janiw sums manq’ktati,
nayar munasax janiw sums isisktati,
nayar munasax janiw sums iktati,
nayar munasax janiw sums qullasktati,

Munat mamitaja,
juma maq’kpachax nayaruw sum manq’ayista,
juma isikpachax nayaruw sum isintayista,
juma ikkpachax nayaruw sum k’iluntista,
juma qullaskpachax nayar nayraw qullista.

Munat mamitaja,
jichhax kunjams taqi munasiñamat kutiyäma,
munasiñajax pisikiw amuyataxa;
inas chhuyllunkhayjam chhullurchispha,
inas thayar uñtat jalakipawaychispha.

Ukampis munat mamitaja,
chuymanixät ukjax nayaw irpnaqasiskäma,
manq’at awthjätam ukjax nayaw wakiyarapïma,
umat pharjatätam ukjax nayaw asxaruyäma,
usuntat ukjax nayaw qullayäma,
p’ist’añankat ukjax nayaw khuyapt’ayäma,
Jichhax nayaruw taqi ukanak lurañax wakitu.

Munat mamitaja,
chuymajaw ch’allxititu,
jachañ jachañaw puritu,
jach’a munasiñamat l’upisaxa.

QUERIDA MADRE MÍA

(Trad.  Jorge Luis Coaquira Condori)

Querida madre mía,
Solo tu amor me mantiene vivo hasta hoy,
tu amor es verdadero sobre toda las cosas.
tu amor es como el manantial cristalino,
tu amor es inagotable para siempre.

Querida madre mía,
por amor a mí no te alimentas bien,
por amor a mí no te vistes bien,
por amor a mí no duermes bien,
por amor a mí no te cuidas tu salud.

Querida madre mía,
en vez de comer tú a mí mejor me alimentas,
en vez de vestirte tú a mí mejor me vistes,
en vez de dormir tú a mí mejor me envuelves,
en vez de curarte tú a mí primero me curas.

Querida madre mía,
ahora con que podré devolver por tanto amor,
pienso que mi amor no alcanza a la tuya;
tal vez como el hielo se descongele,
tal vez como el viento pase de lado.

 Aún así querida madre mía,
cuando seas de edad yo te estaré cuidando,
cuando tengas hambre yo te lo prepararé,
cuando tengas sed yo te alcanzaré (agua),
cuando te enfermes yo te haré curar,
cuando estés en escases yo tendré compasión,
Ahora me toca hacer todo por ti.

Querida madre mía,
mi corazón quiere llorar,
quiero llorar y  llorar,
al pensar de tu inmenso amor.