K'AÑASKUN SARNAQAÑXATA (La vida sobre un microbus)

K'AÑASKUN SARNAQAÑXATA

Qillqiri: Jorge Luis Coaquira Condori

jorgeluiskoakira@gmail.com

Mä ch’aska urux päni wali machantat tatanakaw mä chupik qaqa k’añaskür makhatanipxi. Ukatx  maynir waynaskis uknïr machantatax janiw tata q’iwirirux  payllaw churañ munkiti.

Maynïr q’ala ch’islli machantatax pä kutirakiw k’añask q’iwirir tatar payllaw churaraki. Ukatx uka pani wali suma machant’asit waynanakax mayäkrak muwantasxapxi. Ukatx mä chuyxña jisk’a warmimp pä paq’u nik’utan waynanakamp mä awkimpiw jan juk’amp nuwasiñapatak jart’apxaraki. Ukatx uka tuxu k’añaskunx walipiniw jaqinakax thiyat uxtxapxi ukat mayask mä jach’a ch’uxña chumpan jaqix mä machantatar k’añaskun punkupat anqa ñiqiñiqir thakir jaqsuraki. Ukatx mayni machatx wali kulirat’asisin mayakirak taqi ch’amapam uka ch’uxña chumpan jaqirux  masipxar liwxati. Ukatx uka ñuxu khankha tata q’iwirimp yanapir yuqallapampix k’añaskup t’ijtayasiwayxapxi. Ukäwjanx tunka phisqhan wali thithit waynanakamp tawaqunakamp wawanakamp awkinakamp taykanakampiw  anchpin muwarasxapxana. Ukatx nänakan jisk’a ch’añu lluch’un masinakaxas nuwasxarakitaynawa. Ukan nänakax wali musphasitaw uñch’ukt’aniwayapxtha.

K'añaskun sarnaqañxata.docx by JorgeLuisCoaquiraCondori

UYWANAKAN ARUSKIPASÏWIPA (El diálogo de animales)

UYWANAKAN ARUSKIPASÏWIPA

Qillqiri: Jorge Luis Coaquira Condori

jorgeluiskoakira@gmail.com

Mä urux khaysa qulluqull thaya wasar uraqinxa, kimsa uywanakaw akjam sas aruskipapxatäna:

P’isaqa: ¡Janirakis manq’añax utjkitï!, manq’ thaqhasir sarä

Laqatu: Ay, khayax khithirak jutpacha, ¡p’isaqjamarakisä!, jisa, ukapuniwa, manq’antitaspawa. Jichhax jank’ak imatasxä.

Sillq’u: Jichhax khä p’isaqax nayar manq’antiriw juti, ¡imantasxakï!

P’isaqa: manq’at jiwxäwa, taqi jisk’a laq’unakas nayar uñjasax ¡imantasxapxakirakisä!

Laqatu: Ay kullaka, llakitakiw uñjastha, masürux mä jach’a awil p’isaqaw manq’antamaw sas imantasiyitu

Sillq’u: Nayarux uka kikiparakiw manq’antañatak thaqhitu. Ukatxa, janiw manq’antañ atkituti.

Laqatu: Jichhax janipuniw aka uraq manqit mistxañäniti.

Sillq’u: Jisa, ukax wali aski amuyt’apuniwa. Jichhax p’isaqax manq’at awtjat muykäwir jiwphan

Laqatu: Jichhax jach’a jilïr mallkunakasar yatiyir jank’ak sarañäni.

Sillq’u: jïsa, nayax jichpachaw mallkujär yatiyir sarä. Jumas ukjamarak saram

Laqatu: Jilïr tata mallku, taqpachanir yatiyam; Jniw khithis jichhürut khuysarux pata waña laq’ar  mistuñapäxiti, p’isaqaw manq’at awtjat thaqhasipkistu, sas yatiyam.

P’isaqa: ¡Janirakis manq’ax utjkitixa!, ¡jichhax ukjam manq’ thaqkäwirukiy jiwxchï!

Tukuta