YAKA YAKAMPIT ACHAKUMPITA (El pájaro carpintero y el ratón)

YAKA YAKAMPIT ACHAKUMPITA

Nayra pachanakax uywanakax jaqjam arsuripxanw siwa. Ukjamipanxa, jichhax mä yakayakampit mä achakumpit arxayt’apxäma.

Khaysa ina ch’us thaya pamp uraqinakanxa, mä urux yakayakamp achakumpiw mä akatjam jikthaptasin parlapxatayna, akjam sasa:

Achaku: Ch’amjasiñ pachax ch’amjasiña, irpasiñ pachax irpasiña, sataynawa.

Yaka yaka: Ay mama, manq’ay mant’ïta, manq’ pist’ayastha.

Achaku: Achakux ukham satax sarakitaynawa, Jichhakit manq’atjam jalnaqt kunarakisti,  sapürus jumax jan  llakinjam uksa qullutsa, aksa qulluts axaw, axaw sasakiw lart’sintaxa. Jichhax ukat manq’ mant’itar purtaxa.

Yakayaka: Ampi suma! janikiy qhuruchasimti, mant’asikiñäniya, maranx janiw pachax ukjam laruskäwir tukjasxäti, jank’akipuniw manq’x pirwkatasïxa.

Achaku: Iyawa, inas wawanakajas manq’ mant’itat mä urux sarnaqapchispa, ukjamax mant’amawa.

Ukjamaw aka jisk’a siw säwix tukuyi. Kuns amuyt’aychistaspha?