P'ARXTAYIRI (Interjección en el aymara)

P’ARXTAYIRIR

(Interjección)

Wakiyiri: Jorge Luis Coaquira Condori

Aymar arunx akjam arunakax  suma phuqhat amuyun arsut arunakawa.  Ukatx aka arunakax  parlas uras jaqinakar p’arxtayañatakiwa, ukakiparakiw suma quñacht’ir arunaka. P’arxtayir arunakax jan mayjt’ir arunakawa, chiqans janiw saphinakamp waykattayaskaspati. Sapanakapakiw suma qhana amuyun phuqht’atapxi.

Sumpàch amuykipt’atax akjam p’arxtayir arunakaw jikxatataraki:

9.1. Samsutuqi (interjecciones  propias)

                                    ¡chhissst!                    ¡yaaa!             ¡jajjjjj!

 ¡ayyy!                        ¡mmma!          ¡jaaayaaa!     

9.2. Jisk’a arsunaka (interjecciones impropias)

¡ukjamasä!                 ¡ukjammm!

¡yastakisä!                             

9.3. Aarhus phuqata (interjecciones locutivas)

¡ay kunarus purt’astxa!

                                   ¡amp suma päni tukt’ayarapxita!      

                                    ¡janiw ukjamäkiti!

Qhipharux sawayaraksnawa, aymar arunx kunayman kast arunakaw utji. Chiqnas  niya llätunk kart arunakaspawa, utax aknïrinakarakiw jikxatata: sutinaka, sutinakar mayjachirinaka, sutilantinaka, lurayirinaka, luyarir mayjt’ayirinaka, qhanstayiri, wayxasirinaka, waythapirinaka, p’arxtayirinaka. Taqpach jakthapitax niya llätunk mayjmayj arunakaw jikxatata. Aka yatxatt’äwix  mä tatar tunka phisqhna k’atanak waraqt’as qillst’asin  amuykipt’atawa. 

WAYTHAPIRI (Conjunción en el aymara)

WAYTHAPIRI

(Conjunción)

Wakiyiri: Jorge Luis Coaquira Condori

Akjam arunakax aymar arunx pä kastaw utji; arunaktuqi ukjamrak saphi arunaktuqi. Aka arunakax chikthapiyi, waythapi, jaqthapi ukjamapxiwa. Qhnapach arunxa sisnawa, aka arunakax sutinakaru, mayjachirinakaru, lurayirinakaruw waythapipci.

Akakast arunakax janiw walt’at jikxatatakiti, ukampirus wakisiw kawkïrinakatix jikxatatäki ukanakxat  amuyt’añaki. Uka arunakax aknïrinakarakiwa:

·         Consecutiva:              ukjamaw ukax…                     ‘así es…’        

·         Conjuntivo:               waynamp tawaqumpix…       ‘el joven y la joven’   

·         Continuidad:             suma isthapt’ataraki ukat irpaqarakixa…     

Ukat tawaqux inkxaruwayi ukhat jichhaxa ukjamarakiw...  

WAYXASIRINAKA (Preposición en el aymara)

WAYXASIRINAKA

(Preposiciones)

Wakiyiri: Jorge Luis Coaquira Condori

Aymar arunx akakast arunakax  janiw sapanakapat arsuskiti, jan ukax   sutinakaru, mayjachirinakaru, mayjt’ayirinakar  waykakataaw sarapxi. Uka mauyurjamax akjam arunakaraw jikxatataraki:

7.1. Pachata (de tiempo).  Akakast wayxasir arunakax  janiw mayas jikxatat utjkiti. Ukampis aymar arunx ukjiwa, juk’ampis aka yatxatäwinx janiw jilxatatakiti ni mayasa.

7.2. Pachawjata (de lugar).  Akjam amuyun arunakax  aknïrinakaw utjaraki:

                                   utaparu…                   ‘a su casa…’

                                   qullunakaru…            ‘a los cerros…’

7.3. Laykuta (de causalidad). Aka arunakax juk’akiw uñsti, ukatx aknïrikirakiwa:

                                   juyphiñaplayku…       ‘a causa de helada’

7.4. Wakt’ayata (finalidad o destinativo). Yatxatäwinx akakast arunakax aknïrinakaw uñstaraki:

                                   uñjañapataki…           ‘para que cuide…’

                                   sarnaqaskañapataki     ‘para que camine’

7.5. Kawjata (de procedencia). Akjam amuyun arunakax janiw utjkarakkiti, juk’ampis aka yatxatáwinx janiw walja jakiwayatakiti.

                                   utat…                         ‘de casa…’

7.6. ukjakamaki (limitativo).  Jichhax aka arunakax akjamat uñstaraki:

                                   qullukam…                 ‘hasta el cerro…’

                                   ukakam…                   ‘hasta eso…’

QHANSTAYIRI (Artículo en el aymara)

QHANSTAYIRI

(Artículo)

Wakiyiri: Jorge Luis Coaquira Condori

Aymar arunx mä sapa qhanstayir (artículo) arukiw utji. Uka arux “mä” (artículo definido) satarakiwa. Kastill arunx saraksnawa: En la lengua aymara el artículo pertenece a una de las categorías gramaticales marcado por el morfema mä  ‘un’. Su función es determinar específicamente al sustantivo. Aka arux waljkutiw uñsti, ukampirus aka maynikirakiw utji:

                                    mä kutix…                                          ‘una vez…’

                                   mä waynampi tawaqumpi…              ‘un joven y una joven’

                                   mä inkuñaru uka…                            ‘en un tari eso…’

MAYJT'AYIRI (Adverbio en el aymara)

MAYJT’AYIRI

(Adverbio)

Wakiyiri: Jorge Luis Coaquira Condori

Akakast arunakax lurayirinakaruw mayjt’ayi. Aymar arun aka arunakax  kunapachatix lurayirix qhanak ukjax mayjt’ayiriruw qhanstayi. Aka arunakax akjamanakaw  uñstaraki.

5.1. Pacha mayjt’ayirinaka (adverbio de tiempo). Aka yatintanx aknïr mayjt’ayirinak jikxataraktan:

                                   nayra                           ‘pasado’

                                    uräsatix…                   ‘ a tiempo…’

                                   arum paqaraw…        ‘toda la noche…’

                                   qhiphärmax…             ‘ a la noche siguiente…’

Akakast arunakax kunawsatix mä luräwix lurasi ukanak qhanstayi.

5.2. Pachawj mayjt’ayirinaka (adverbio de lugar). Akakast  lurayirir mayjt’ayir arunakax aknïrinakaw utjaraki:

                                   qullu patata…             ‘de encima del cerro…’

                                   aksat…                        ‘de este lado…’

                                   thakhinsa…                 ‘en camino…’

5.3. (…) Adverbio de modo.  Akajam arunakx janiw ni mayas jikxatatakiti. Amuyatax juk’akiw  kunapachatï arususi ukjax apnaqasi.

5.4. Waljat mayjt’ayiri (adv. de cantidad).  Mä sapa akakast aruk jikxatawaytan, uka arux aknïrirakiwa:

                                   walja                           ‘arto’

                                   juk'a                            ‘poco’

5.5. Chiqa mayjt’ayirinaka (Adv. de afirmación).  Akjam arux janiw ni mayas jikitakiti. Jupanakax  jïsa ‘sí’ aru lantix u’w sasakiw sapxaraki.

5.6. K’ari mayjt’ayirinaka (adv. de negación). Akajam arunakaw uñstaraki:

                                   janiw…                       ‘no…’

                                   janirakiki…                 ‘no también…’

                                   janipuniwa                  ‘no siempre’

5.7. Pächasiyir mayjt’ayirinaka (adv. de duda).  Akakast arux janiw uñtkarakikiti. Ukataw jan kuna qillqt’atas utjkiti.

LURAYIRI (Verbo en el aymara)

LURAYIRI

(Verbo)

Wakiyiri: Jorge Luis Coaquira Condori

Aymar arunx akakast arunakat amuyañax maysk’a wali ch’ulqhiwa, ukampirus sumpach amuyataxa, akjam lurayir (verbos) sat arunakax  jaqinakana, uywanakana, yänakan luratanakapat (acciones) qhanstayirinakawa. Yaqha arunakanxa, jaqinakans uywanakans yänakans luräwinakapata, unuqiwinakapat amuyayiriwa. Jichhax akjamatw lurayirinakx uñt’apxna.

4.1. Amuyuyparjam lurayirinak amuyt’äwi  (Definición Semántica)

Lurayir arunakax kunayman amuyunakaniwa, ukatx aka arunakax amuyparjamax  sutinakan luräwinakapat qhanstayaraki. Akjamkast lurayirinakaruw t’aqjtaraki.

Kunayman amuyun lurayirinaka
Jaqukiptir Ly. (V. transitivos)	Jan jaqukiptir Ly. (V. intransitivos)	Mayni pachpar Ly. (V. reflexivos)
aljaña apaña churaña p’akjaña jariña	jiwaña jakaña yuriña jachaña usuña	jarisiña larusiña t’axsusiña qullasiña askichasiña
Aynt’asir Ly. (V. recíprocos)	Pachan Ly. (V. impersonales)	Jaqthapir Ly. (V. copulativos)
munasiña uñch’ukisiña qhumasiña jamp’atisiña khuyapayasiña	juyphiña chhijchhiña jalluña thayaña lupiña	anuwa          kunasa ukaxa… tatay jutchi khithisa

4.1.1.      Jaqukiptir lurayirinaka (Verbos transitivos)

Akjam lurayirinakax  luräwinak mayat yaqhar jaqhukiptayapxi, ukatx uñjkay yänakamp arsuñatakiw wakiskiriraki.  Akjam lurayir arunakarakiw jilkxatat utji:

irpaqaniwayapxi

churawayi

lurapxiritäna

uskusïna

sawüna

…pinkillut tukt’apxiri                       

4.1.2.      Jan jaqukiptir lurayirinaka (Verbos intransitivos)

Akakast lurayirinakan lurañanakax janiw mayat yaqhar jaqukiptapkiti, jan ukax pachpa luräwirukiw tukuyi. Aka lurayirinakax aknïrinakaw uñstaraki:

                                         sarawayaña

                                         phayawayaraki

                                         qh’ipxaruwayxi

luraña

mistsupxirïna

thuqhuña       

4.1.3.      Mayni pachpar lurayirinaka (Verbos reflexivos)

Akjam lurayirinakan luräwinakpax mayni pachparuw wakt’i, janiw yaqhax lurkaspati. Qhanpach arunxa, -si- (reflexivo) saphiw uka amuy ch’ikhullt’rixa. Akakast  lurayirinakax janiw  walja utjkiti, mä payakiw jikita:

                        umasiña

                        amuyt’asiña

4.1.4.      Aynt’asir lurayirinaka  (Verbos recíprocos)

Akakast lurayirinakan luräwinakapax purap jaqinakaruw wakt’i, maysatxa sisnawa, maynit mayniruw lurayirin luräwinakapax wakt’araki. Jukampisa, lurayirinakan ukjam amuyuniñapatakix –si-  (recíproco) saphiwuka ch’ikhullurixa. Jichhhax aka arunakax aknïrinakarakiw uñsti:

                                    parlasipta

                                   umt’asiwayañäni…

                                   uñt’asipxi

                                   parlt’asipxi

                                   qunt’asipxi

                                   qillt’asipxi

                                   munasipxi

4.1.5.      Pachan luräwiankap lurayirinaka (Verbos impersonales)

Akajam lurayirinakax juk’akiw utji. Qhanqhana arun akakast lurayirinakan luräwinakapx pachakiw luraspa, jaqix janiw lurkaspati.

Akakast lurayirix mayitakiw jikita, ukax aknïrirakiwa:

            chhhijchhsuwayxixa

4.1.6.      Jaqthapir lurayirinaka (Verbos copulativos)

Akakast lurayir arunakax  tama arun waxäsirimpir (sujeto) arsutampir (predicado) waythapiriwa. Ukatx aknïrnakarakiwa:

                              khithinkisa  ukax…                ‘quien es ése…’

4.2. LURAYIRINAKAN SAPHINAKAPA (Accidentes gramaticales del verbo)

Lurayirinakan ch’ikhullt’anakapa (accidentes gramaticales de Vb.)
khu (número) Jaqi (persona) Pacha (tiempo) Lurayäwi (aspecto) Modo  (lup’ïwi) Arsu (voz)             .	sapa, walja 1ïr jaqi, 2ïr jaqi, 3ïr jaqi, 4ïr jaqi nayra pacha, jichha pacha, juthir pacha qalltata, jan tukuyata, tukuqata chiqt’iri, samkiri, pächasiri,taripiri. ch’amampi, llaphirata                                           .

4.2.1.      Jakhu (número).- Lurayirinak taypinx jakhux payakiw utji; sapa (singular), walja (plural). Sapanakanxa, lurayirinakan luräwinakapax mä sapa jaqin jan ukax yänakan luratakiwa. Walja qhanañchir lurayirinakan luräwinakapax walja jaqinakan jan ukax uywanakans yänakans luratarakiwa.

  sapa:              Jupax churiwa

 walja:             Tatanakax jallallapxiwa.

4.2.2.      Jaqi (persona).- Jaqix lurayir taypinakanx mä saphituqiw ch’ikhullt’asi. Uka luräwinakax pusi jaqin luratarakiwa: nayrïri jaqix khithitï parlki ukawa, ukatx luräwix jupapachpan luratarakiwa;  payïr jaqix khithitï ist’ki uknïrirakiwa, ukatx lurayirin luräwipax jupan luratarakiwa; kimsïr jaqix khithittï nayrïr jaqimp payïr jaqimpix parlasipki uknïrirakiwa, ukatx lurayirin luräwipax jupxarurakiw wakt’i; Aymar arun pusïr jaqix parlirispa jan ukax ist’irispawa, ukampirus lurayirin luräwipax jupanakxarurakiw wakt’i.

1^ïr jaqi:            Nayax thuqtha

            2^ïr jaqi:            Jumax thuqta

            3^ïr jaqi:            Jupax thuqhu

            4^ïr jaqi:            Jiwasax thuqtan

4.2.3.      Pacha (tiempo).-  Maysatxa, lurayirinakax kuna pachay luräwinakax lurasipchi ukatuqits qhanstayapxarakiwa. Aka amuyurjamax kisa pachanakaw utji: nayra pacha (pasado),  aka pachax parlaski ukjat nayra pachan lurat luräwinkat amuyayiriwa; jichha pacha (presente), aknïr pachax parlaski ukjat qhanañchiriwa; jutir pacha (futuro), ukakiparakiw aknïr pachax jutït pachanakan lurasir luräwinakat amuyayaraki.

NAYRA	ARSUÑ PACHA	QHIPHA
Nayra pacha	Jichha pacha	Jutir pacha

4.2.4.      Lurayäwi (aspecto).- Aka ch’ikhulltax kunjamtï mä luräwix luraski ukatuqit qhanstayaraki. Aka amuyurjamax akjamaw lurayirinakax  sarantapxaraki: qalltäwi (incoativo), akjam lurayirix jaqin ukja luräw qalltaskatapat yatiyi; jan tukuta (imperfectivo), khithitï luräw lurki uka jaqix janirakw luräwip tukuykiti, jan ukax luraskakiwa; tukuqata (perfectivo), akjam amuyumpix luräwinakax tukutaxiwa.

Luräw qallta:              Awichax nïkhakiw sartaski

            Jan tukuyat luräwi:     Jupax thithiskakiwa

            Tukuqat luräwi:          Anux maqxiwa

4.2.5.      Lup’ïwi (modo).- Luyayirinakax lup’ïwirjamax pusiruw wakipxi: chiqt’iri (modo indicativo), aka amuyumpix luräw lurir jaqix chiqakaspas uka luräwix ukjam lup’iraki; samkiri (modo subjuntivo), aka amuyumpix parlir jaqix lup’ïwipanak luräwinak inach luriristh sas amuyaraki. muq’iyiri (modo condicional), parlir jaqix inakiw lurañ luräwinak muq’irtasiraki; taripiri ( modo imperativo), akakast lup’ïwix parlir jaqiruw lurañ ukja luräwinak katuqayaraki.

Chiqt’ir lup’ïwi:                     Jupax anati

           Samkkay lup’ïwi:                   Jiwasax inas irnaqchiñäni

           Muq’iyir lup’ïwi:                    Nayax yatiqiristha

                 Taripir lup’ïwi:                       Jum saram

4.2.6.      Arsu (voz).- Arsux  wayxäsirimp (sujeto) lurayirimp (verbo) mayar tukuyi. Ukampirus päkast arsuñanakaw utji: mayax  ch’amamp arsuña (voz activa), mayarakiw llaphirat arsuña (voz pasiva). Nayrïrixa, lurayirix tama ar wayxärin (sujeto de Or.) luräw luratapxat qhanstayi. Payïnxa, lurayiriw luräw qhanstayi, wayxäsirix (sujeto) janiw lurkiti.

Jaqin arsuta (voz activa):

            Wayxäsiri (Sujeto)        Arsüwi (Predicado)

            Anunakax    mä  jaqiruw  p’atsupxatäna

                                                          ^{Ly.  (V)}

Lurayirin qhanstayata (voz pasiva):  

              Wayxäsiri (Sujeto)        Arsüwi (Predicado)

             Mä jaqix            anunakamp p’atsutatänawa

                                                                ^{Ly.  (V)}